Pala amende
Ame sam jekh komuniteta romane glasurjengi kaj mangas te barjaras o šerutnipe gridžasa, ando diversiteto thaj džanimasa te šaj vazdas i zor, te organizisaras akcie thaj te zorjaras i šansa te gelas i šerutnimaski praktika vaš o sistemikano khetano siklipe thaj barjaripe thaj te vazdas ando than kolektivno agencia thaj verver romane komunitete
We have survived thousands of years of persecution, we are strong, and we are proud to be Roma.
Soske si vašno kadaja kampania?
I Slovakia si te organizisarel o ginavipe le kherengo thaj le manušengo ando 15-to February 2021. Kadaja "statistikani buti" kaj kerel pes jekhvar ke 10 berša si lan but implikacie vaš saki komuniteta ando them. Ame džanas kaj e etnikane minoritete ande Slovakia si karing 20 % andar i sasti pupulacia thaj maškar lende, ame e roma, sam bioficialo i maj bari minoriteta ando them. Vi kadja, e anglune manušikane ginavimata naštisajle te sikaven amaro čačo numero. Pal o manušikano ginavipe kaj sas and 2011, sas 105,738 deklarisarde roma, ama amen džanas kaj sam maj but. E estimacie pal amare manuša sikaven maj cira 440,000 thaj maj but karing 600,000 roma (11% andar i sasti populacia)
Historikanes, ame samas ginavde maj cira ande savore manušikane ginavimata. Si verver motivurja vaš kado: i sistemikani opresia, thaj bičačipe, etnikano profilo, socialo stigmatizacia thaj asimilacia, metodologie kaj na len samate i etnia thaj e zorako biegaliteto. Hatjardjam soske o guverno kerel kodo. Kana o manušikano ginavipe sikavel amen maj cira de sar sam, aver si te len amare resurse thaj amare komunitete si te oven mekle maj dur ando čoripe. Kathe si vi jekh sistemikani korupcia. Amare publikane fondurja si xasarde soske e statistike si xoxavne thaj na sikaven save si e akanutne probleme thaj kaske trebal maj but o publikano džutipe. Kado na-i mišto ni andar amaro them thaj ni andar leske roma.
O kritično pučipe si: Ka alosarela i Slovakia te ovel jekh slobodo them ande saveste e roma šaj te phenen slobodo peski etnia? Paš kado, šaj e aver minoritete te meken rigate le asimilaciako thaj violento phiravipen thaj te respektisaren o slobodipe le romengo?
Pal i kampania
Amaro cilo si te oven mekle e roma te len kotor thaj te phenen slobodo peski etnia ande le Slovakiako manušengo thaj kherengo ginavipe andar o berš 2021. Sam barikane kaj avas andar e romane komunitete soske lengo diversiteto si barvalo, den pes vast jekh averes thaj barjon khetanes. Džanas kaj e ginavimaske date šaj te informisaren e decizie kaj len pes ande publikane programurja, servisurja, resurse thaj bisnisoske investicie.
Kadala date si te anen i decizia pal e investicijenge thana sar si e škole, e sastimaske khera thaj e sastimaske servisurja, o vazdipe le neve kherengo thaj aver šajmata andar i komuniteta. Paš kado, e maj klaro thaj e saste date šaj te anen le romen ande jekh maj lačhi pozicia ande le Slovakiaki demokracia, te šaj len kotor ke publikane decizie pal penge problemurja.
Si godjaver ande rig le Slovakiaki te prindžarel kaj amari pakiv, numero, terne, bukjarne, bisnisoske manuša thaj alosarne si but vašno vaš amaro avutnipe, o avutnipe le Slovakiako thaj o avutnipe le Evropako.